(Corona virus related story) Chaube chale chhabbe banane , dube ban kar laute
jab se ee mua korona aaya hai tab se chaubain badee pareshaan hai . chaubain apane ghar ke andar se korona ko gariyaate huye baahar nikalee to kuchh launde lapaarie nihaayat hee nithalle se usake ghar ke saamane mataragashtee karate najar aae . ab chaubain ka maatha garam ho gaya ,tan badan me aag bhabhak uthee . usane un laundo kee jam kar khabar lee , khoob gariyaane lagee , kharee khotee sunaane lagee . chaubain ke is apratyaashit hamale aur korono ke beech achaanak aae is aapada se un laundo kee to sittee pittee gum ho gayee , ghigghee bandh gayee . ve sab launde chaubain ke hamale se bach bachaakar girate padate us galee se bhaag nikale . ab chaubain phir se korona ko gariyaane lagee .
ee mua korona to kahee baithane laayak bhee nahin chhoda , na ghar se nikal sakate hai , na kisee ke yahaan ja sakate hai , na kisee se gappe lada sakate hai , na kisee se jee bhar ke lad sakate hai aur na hee kisee kee chugalee kar sakate hai . ab chaubain ke pet me aadatan dard uthane laga aur jee bhar ke cheen ko gariyaane lagee . satyaanaash ho jae in cheen vaalon ka jo keeda-pilloo, saanp-chhuchhundar, oktopas –chamagaadad sab ko jinda gatak jaate hai . isee se korona aaya aur chaubain ko apanee saaree aramaano kee tilaanjali denee padee . bhunabhunaatee huyee man masos kar chaubain ghar ke bheetar gayee .
Also Read :- Corona virus (how the corona virus spread and its variants)
ghar ke andar chaube jee taang pasaar kar akhabaar me koee khaas khabar dhoondh rahe the . jaise hee chaubain ne ye drshy dekha to usaka paara turant garam ho gaya , gussa saantave aasamaan pe ja pahuncha . baaj kee phurtee se akhabaar par jhapatta maarate huye chaubain zor se chillaee- “ bartan kaun saaph karega , ghar kee saaph saphaee bhee abhee baakee hai , kapade bhee dhone hai , gehoon bhee chhat par sukhaane hai , paudho me paanee kaun dega . mere to karam hee phoote hai jo inase paala pada .“ achaanak aaee is vipada se chaube jee hakke bakke rah gae , andar tak hil gae , chaay aur khainee kee talab ko tilaanjali dete huye chaubain ko man me hee bhala bura kahane lage aur chaubain kee tulana raamaayan kee taadaka va shoorpanakha evan shreekrshna ke pootana se karane lage kyoonkee chaubain ke aage unakee ek na chalatee thee .
man ka bhadaas nikaalane ke lie ve chaubain ko kuchh bolane hee vaale the kee misaeel kee tarah danadanaatee huyee jhaadoo theek unake saamane aa kar giree. ve chaubain ko man hee man kosate huye ashrupoorit netro ke saath man masos kar uthe aur apanee sabhee ichchhao kee tilaanjali dete huye korona ko dil kee gaharaio se gariyaate hue aadhe man se ghar kee saaph saphaee me jut gae . unake aankho ke aage unake ophis me unake rutave ka sampoorn chakr ghoomane laga .
vo shaan se chaay peete huye gappe haankana , vo shahanshaah kee tarah kursee par pair phaila kar baithana , vo chaparaasee ka unake saamane tharraana , bos ka ijjat ke saath pesh aana , saare sahayogeeyo dvaara ijjat dena, saare drshy ek ek kar chalachitr kee bhaanti unake man me chalane laga . chaube jee lagabhag rone rone ko aa gae parantu chaubain ke aage unakee ek na chalatee thee . ve sochane lage ,saaree duniya unakee ijjat karatee hai par ghar me hee ijjat kee vaat lagee rahatee hai .
kisee tarah chaube jee subah se dopahar , dopahar se shaam kee . parantu aaj chaube jee ka khainee ka stok lok daun ke samay ke badhne ke kaaran samaapt ho chuka tha . unhe bade joron se khainee kee talab ho rahee thee , man bechain tha , dil ghabara raha tha , saanse maano tham see rahee thee , paanv ladakhada rahe the , aankho kee putaliyaan kathak kar rahee thee ,dimaag sunn hone kee avastha me pahunch paata isase pahale chaube jee ne ek kathor nirnay liya . lok daun me ghar se baahar nikalane ka . kaanoon ka ullanghan to tha aur pulis se peete jaane ka khatara bhee tha aur sabase zyaada khatara to korona se tha . shaam ka vaqt tha , man ko kathor kar bhunabhunae kee aaj to har haal me kisee na kisee tarah khainee ka jugaad kar hee lena hai .
ve chaubain ko bina batae chupake se nikal aae ghar se aur lakshy praapti hetu khud ko bachate bachaate aashankit man se chal pade chauk kee taraph. abhee vo chauk kee taraph sadhe va satark kadamo se kuchh hee door badhe the kee saamane ka drshy dekh unake rongate khade ho gae , unaka poora shareer dar se sihar utha . saamane kuchh pulis vaale vevajah ghoomane aae launde lapaadiyon ko jabaradast sont rahe the , kisee se uthak baithak karava rahe the to kisee ko murga banae huye the . ye drshy dekh vo bach ke nikalane hetu vaapas mudane hee vaale the kee ek pulis vaala unake saamane yamadoot kee tarah achaanak prakat ho gaya . usakee motar saikal saakshaat bhainsa aur haath me pakadee laathee saakshaat gada prateet ho rahee thee . achaanak aaee is vipada se chaube jee hadbada gae , unakee ghigghee band gayee , aavaaj halak me hee atak gayee .
teevee par unhone pitaee dekh va sun rakhee thee , ve dabee jubaan se kuchh bolana chaah hee rahe the kee misail kee gati se bhee tej danadanaatee huyee laathiyaan unakee tashareeph par barasane lagee . ve jab tak kuchh soch paate , kuchh bol paate , kuchh kar paate tab tak to aath das dande unakee tashareeph kee seva me samarpit ho unhe laal kar chukee thee . unake hosho havaas gum ho gae the , dimaag lagabhag achetan avastha me jaane hee vaala tha kee vo apanee saaree shakti ko samet dard kee bina paravaah kie aav na dekha taav, bina peechhe dekhe sarapat ghar kee taraph daud laga dee .
ghar pahunch unhone raahat kee saans lee , apane tashareeph ko sahalaate un par haatho ko pherate huye ghar ke andar pravesh karane hee vaale the kee saamane daravaaje par bhrkutee taane chaubain khadee milee . chaubain apane poore raudr roop me avatarit maan chandee prateet ho rahee thee , aankho me agni kee jvaala , chehare par krodh ka taandav , jihva par saakshaat sheshanaag evan poora shareer gusse se kaanp raha tha . is akalpaneey drshy ko dekh chaube jee kee aatma tak sihar uthee . unakee jabaan ko jaise taala lag gaya ho , bolana chaah rahe the parantu jihva saath nahin de rahee thee .
bhookhee sheranee jaisee chaubain dahaadate huye chaube jee se poochhee –‘ kahaan gae the bina poochhe, bina batae . kaheen korona laane to nahin gae the baahar ?’ chaube jee ghor asamanjas me pad gae , sochane lage – kaise bataoon , kis munh se bataoon . chaube jee ko na ugalate ban raha tha na nigalate ban raha tha . chaubain ke taabadatod prashno ke bauchhaar ke beech vo apanee tashareeph ke dard ko bhool gae the . unakee sittee pittee gum ho chukee thee , chehare par havaeeyaan udane lagee .
unakee is manodasha ko chaubain jhat se bhaamp gayee. bhauhe tedhee kar garajate huye poochha – ‘baahar khainee laane ke lie hee gae the na ?’ kya hua , kuchh bataoge bhee ? ab chaube jee ko to jaise kaato to khoon hee nahin , unakee choree jo pakadee gayee . chaube jee ne sharam se saaree aapabeetee chaubain ko sunaee .
saaree baaton ko sun kar maano chaubain ka gussa kaafoor hee ho gaya . vo badee joron se hans padee, chaube jee jhemp gae . hansate huye chaubain unase bolee – ‘ achchha hua , aur nikalo lok daun me ghar se baahar , janaab ko khainee kee talab lagee thee , kam se kam pachaas laathiyaan padnee chaahie thee tum par . bade chale the sher banane, aa gae na aukaat me . chaubain ne chaube jee kee jam kar phatakaar lagaee. chaube jee apanee tashareeph ko sahalaaye ja rahe the , ve atyant hee peeda me the , ab unhe dard mahasoos hone lagee thee .
chaube jee loote peete yuddh me paraajit kisee riyaasat ke raaja kee tarah vyathit aur kunthit man se ghar ke andar gae aur sochane lage kee ab poore lok daun ke dauraan apanee grhasvaaminee yaani chaubain kee baaton ka anusaran karoonga kyoonkee ye bhee to meree bos hee hai – ghar kee . ye pran kar vo apanee soojee huyee tashareeph ko garam paanee se senkane lage . dard kee anubhooti to ho rahee thee par sharm ke maare bayaan nahin kar pa rahe the .
